Борусија Дортмунд потврди дека клубот ја раскинала соработката со тренерот Томас Тухел.
Борусија Дортмунд во неделата го освои Купот на Германија, што е прв трофеј за клубот по 2012 година, а во вторникот „милионерите“ објавија дека Тухел повеќе не е тренер.
Тухел имаше уште една година од договорот, поради што Борусија за предвремениот раскин ќе му исплати два милиони евра.
„Благодарен сум за убавите, инспиративните и бурните години. Жалам што ова нема да продолжи. Благодарност до навивачите, луѓето во клубот и сите кои нè поддржуваа. На Борусија и посакувам сè најдобро“, напишал Тухал на Твитер, пред клубот да ја соопшти одлуката.
Инаку, Тухел, заминува поради несогласувањата со извршниот директор Ханс-Јоаким Вацке.
Според германските медиуми Томас Тухел кариерата ќе ја продолжи во Баер Леверкузен.