Лучијано Спалети ја напушти клупата на Рома, објави римскиот клуб на својата официјална интернет страница. Договорот на Спалети истече по завршувањето на сезоната, а тој не го продолжи поради интересот и понудата која ја добил од Интер.
Сезоната која во Серија А заврши во неделата Рома ја заврши на второто место, зад шампионот Јувентус. Рома наредната сезона ќе игра во Лигата на шампионите.
Рома со Спалети на клупата освои рекорден број бодови и постигна рекорден број голови во Серија А.
Спалети во два мандати ја предводеше „волчицата“, првиот му беше од 2005 до 2009 година, а вториот траеше 17 месеци.
Наследник на Спалети ќе биде поранешниот фудбалер на Рома, Еузебио ди Франческо, кој со Саусоло изминатите две сезони оствари забележителни резултати.