Антоан Гризман, како одговор на сè погласните најави дека ќе го напушти клубот, порача дека сè уште е играч на „јорганџиите“.
На својот профил на „Твитер“ тој напиша дека гласините за негово заминување не се точни.
Инаку, Гризман самиот ги засили шпекулациите за трансфер во Манчестер Јунајтед, кога гостувајќи во една француска телевизија, рекол дека на „скалата од еден до десет, шансите да одам во Манчестер Јунајтед се шест“.
„Сите тие гласини не се точни, јас сеуште сум „јорганџија (колчонерос)“. Одлуката ќе ја донесам по разговорот со своите спортски советници“, напишал Гризман на „Твитер“.
