Петта сезона по ред ракометарките на Вардар се прваци на Македонија. Во финалето на плеј офот тие го победија тимот на Вардар СЦЈС со 54-24 (24-11), и ја освоија четвртата двојна круна во домашното првенство.
Во сестринскиот дуел во финалето на плеј-офот според прогнозите убедливо славеше Вардар, иако вториот тим на „црвено-црните“ иамше добри моменти во првата половина од првото полувреме.
Шампионките на полувремето стигнаа до двоцифрена предност, која во вториот дел само рапидно ја зголемуваа до максималните 30 голови.
Ристовска со 10 голови беше најефикасна на натпреварот, по осум гола постигнаа Лакрабер и Човиќ, а гол помалку зад своето име запиша Кликовац.
