Фудбалерите на Реал по петгодишна пауза ја освоија титулата во шпанското првенство. На тронот Реал ја наследи Барселона, од која сезоната 2016/2017 ја заврши со три бода повеќе 93/90.
Реал во последното коло гостуваше во Малага и забележа победа 2:0. Сите дилеми дека Магага може да направи сензација паднаа во вода кога Кристијано Роналдо по само 100 секунди игра го постигна првиот гол. Конечните 2:0 ги постави Бензема по десет кинути игра во второто полувреме.
Во исто време Барселона со пресврт во последните 30 минути успеа да слави против Еибар 4:2. Гостите водеа со головите на Инуи, додека стрелци за Барселона беа Жунка со автогол, Суарез и два пати Меси.
Атлетико против Атлетик Билбао го одигра својот последен меч на „Винсенте Калдерон“. Тимот на Чоло Симеоне славеше 3:1, а првите два гола ги постигна клупската легенда 33-годишниот Фернадо Торес. Вилијамс намали на 2:! во 71.минута, а конечниот резултат го постави Анхел Кореа.
Атлетик Билбао остана без квалификациите во Лига Европа, бидејќи ривалот од Баскија Реал Сосиедад во 94.минута преку Хуанми постигна гол за 2:2 против Селта и го освои шестото место на табелата.
Директен пласман во Лигата на шампионите изборија Реал, Барселона и Атлетико Мадрид, а во квалификациите ќе игра Севилја. Виљареал ќе игра во Лига Европа, а Реал Сосиедад ќе игра квалификации, додека од лигата испаднаа Гранада, Спортинг и Осасуна.
