Фудбалерите на Јувентус го совладаа Лацио со 2:0 (2:0) и го освоија Купот на Италија за сезоната 2016/2017.
Јувентус го одбрани трофејот во Купот со головите на дефанзивците Дани Алвеш и Леонардо Бонучи.
Финалниот меч се одигра на „Олимпико“ во Рим, а Јувентус ја освои 12-та титула во националниот Куп.
Финалниот меч донесе отворена игра на двете страни и меч во кој Јувентус ги искористи шансите за разлика од ривалот. Имобиле, Кеита, Милинковиќ-Савиќ и Андерсон не успеаја да го совладаат Бразилецот Нето.
Јувентус прашањето на победникот го реши во првите 24 минути кога по асистенциите на Алекс Сандро прецизни беа Дани Алвеш и Бонучи.
