Играчот на Атланта Франк Кеси од наредната сезона ќе го носи дресот на италијанскиот великан Милан.
Италијанските медиуми во средата пренесоа дека клубовите постигнале договор, а трансферот на Кеси изнесува 28 милиони евра.
Овој 20-годишен фудбалер од Брегот на Слонова Коска е едно од откритијата на сезоната во Серија А. Тој избра да се пресели во Милан, иако истата сума пари на екипата од Бергаму ја понуди и Рома.
Годишната плата беше пресудна Кеси да го избере Милан. Кеси со Милан ќе потпише петгодишен договор, а ќе заработува 2,5 милиони евра по сезона, што е за 500.000 повеќе од она што го понудиле челниците на Рома.