Швајцарецот Роџер Федерер реши да го пропушти вториот гренд слем турнир во сезоната, Ролан Гарос, кој на програмата е од 22.мај до 11.јуни.
Роџер Федерер, тенисер со најмногу освоени гренд слем турнири во историјата, кој во моментов е петтопласиран на АТП листата, најави дека ќе ја пропушти сезоната на земјана подлога, но очекувањата беа дека ќе настапи во Париз.
„Мислам дека најдобро е целосно да ја пропуштам сезоната на земјана подлога. Заклучив дека играњето на оваа подлога не е во интерес на мојот тенис и физичката подготвка за останатиот дел од сезоната. Се радувам што ќе учествувам на Роланд Гарос наредната година“, објави Федерер.
Роџер Федерер има една титула на Ролан Гарос која ја освои во 2009 година.
