Средниот бек на Вардар и ракометната репрезентација на Хрватска, Лука Циндриќ, летото во 2018 година ќе се пресели во редовите на Кјелце, тврди специјализираниот ракометен портал „handball-planet.com“.
Според истиот извор, Циндриќ во тимот ќе го замени ветеранот Урош Зорман (37), за кого наредната сезона ќе биде последна во кариерата.
Циндриќ е поранешен играч на Металург, а по финансиските проблеми кои се соочи клубот од „Автокоманда“ тој се пресели во Вардар, екипа со која сезонава ќе настапи на завршниот турнир во Лигата на шампионите.
