Македонскиот репрезентативец во карате Берат Јакупи ќе се бори за златниот медал на Европското првенство во Кочаели, Турција.
Јакупи, во четвртокот, избори пласман во финалето, во категоријата до 84 килограми, откако во полуфиналето го победи Гркот Георгиос Цанос.
Претходно Јакупи стартуваше на ЕП со победа над Денис Денисенко од Русија, потоа беше подобар од Белорусинот Антон Исакау, а во четвртфиналето славеше над репрезентативецот на БиХ, Мерис Муховиќ.
Македонија на ЕП во Турција настапува со 14 репрезентативци.