Манчестер Јунајтед го означил Андреа Белоти како замена за Златан Ибрахимовиќ и за фудбалерот на Торино е подготвен да плати 75 милиони евра.
Британските медиуми во четвртокот пренесоа дека Јунајтед преку посредник го известил Торино дека намерата е Белоти да се пресели на „Олд Трафорд“.
Инаку, претседателот на Торино, Урбано Каиро, важи за човек со кого тешко се преговара. Тој на почетокот на годината рекол дека цената на 25-годишниот напаѓач изнесува 100 милиони евра.
Белоти неодамна потпиша нов договор до 2021 година, а покрај Јунајтед интерес за него покажува и Челзи.
Шпекулациите говорат дека Белоти повеќе би сакал да се пресели во Лондон бидејќи повторно ќе може да работи со поранешниот селектор на Италија, Антонио Конте.
Андреа Белоти сезонава има постигнато 25 голови во Серија А.
