Навивачите на Борусија Дортмунд беа воодушевени со убавaта вест, откако стана јасно дека голманот на тимот Роман Вајденфелер ќе го продолжи договорот со клубот до летото 2016-та година. Досегашниот договор на чуварот на мрежата истекуваше на крајот на следната сезона.
Голманот, кој во август ќе наполни 33 години, игра во фантастична форма во последните три години, без притоа да паѓа под центарот на вниманието на Марио Гетце или Роберт Левандовски.
Вајденфелер дојде во Дортмунд пред 11 години како слободен играч од Кајзерслаутерн и со текот на времето успеа да се наметне како прв чувар на мрежата во тимот. До моментов тој има одиграно 282 натпревари во Бундеслигата во дресот на „жолто-црните”. Тој беше дел и од шампионскиот тим во Германија во претходните две сезони.
