Реал вчера забележа победа во Минхен над Баерн 1:2, во првиот четвртфинален натпревар, во Лигата на шампионите, Кристијано Роналдо ги постигна головите за „кралскиот клуб“, но неговиот учинок го засени неверојатниот голман на Баварците, Мануел Нојер, кој го спаси својот тим од дебакл.
Баерн не ја искористи предноста на домашниот терен во првиот четвртфинален меч во Лигата на шампионите. Баварците загубија од Реал 1:2, а тимот во игра за полуфиналето го задржа Мануел Нојер.
Германскиот репрезентативец, во моментите кога беше исклучен Хави Мартинез и кога играта на Баерн целосно се распадна, успеа да одбрани неколку тешки топки и го спаси тимот од тежок пораз.
„Малку сме разочарани. Имавме многу шанси, мислам единаесет, но Нојер беше како вистински ѕид, кој не успеавме да го пробиеме“, разочарано го кометирал натпреварот по неговото завршување тренерот на Реал, Зинедин Зидан.
Нојер, во првиот дел со помош на гредата го одбрани ударот на Бензема, потоа беше поуспешен од Бејл, па два пати од Кристијано Роналдо, а импресивна беше неговата одбрана, во ракометен стил, иако Кристијано Роналдо шутираше од десет метри.
Реваншот во Мадрид ќе се одигра наредниот вторник, на 18.април.
