Кошаркарскиот клуб Бетис од Севилја, чиj дрес го носи македонскиот репрезентативец Војдан Стојановски, му врачи отказ на тренерот Жан Табак, поради серијата на лоши резултати.
Девет месеци по назначувањето на Жан Табак за тренер на Бетис, раководството на клубот му врачи отказ на хрватскиот тренер. Серијата на лоши резултати го донесоа Бетис на едно место од зоната за испаѓање.
Бетис, во саботата, загуби на домашен терен од Билбао 73:85. Тимот од Севилја на домашен терен не победил од 8.јануари, кога ја совлада Уникафа,а на последните 11 натпревари ја победил само Фуенлабрада.
Екипата на Бетис се наоѓа на 15-то место на табелата. Во наредното коло Бетис ќе му гостува на Реал во Мадрид, а не е познато кој ќе го предводи тимот на овој натпревар.
