Зинедин Зидан со најсилниот ќе му се спротивстави на Диего Симеоне во „Ел Мадрилењо“ дербито кое ќе се одигра во сабота на „Сантијаго Бернабеу“. Градското дерби е еден од клучните натпревари за Реал во борбата за шампионската титула.
Тренерот на Реал, Зинедин Зидан, за натпреварот со Атлетико, неможе да смета само повредениот Рафаел Варан. Останатите се здрави и одморени за градскиот дуел.
Зидан, во средата, против Леганес ги одмори Крос, Карвахал, Бензема, Бејл, Роналдо, а Модриќ играше само во последните десет минути. Од стандардните, во победата 4:2, на теренот против Леганес беа само голамнот Навас, Серхио Рамос, Каземиро и Марсело.
Повредениот Варан ќе го замени Пепе кој ќе игра заедно со Серхио Рамос во централниот дел од одбраната, а по страничните позиции ќе делуваат Карвахал и Марсело.
Во средината ќе биде тројката Каземиро, Модриќ и Крос, а нападот ќе го предводи ББЦ триото (Бејл, Бензема, Кристијано Роналдо).
„Ел Мадрилењо“ дербито се игра во сабота од 16:15 часот. Во пресрет на дербито Реал е лидер со 71 бод, десет повеќе од Атлетико кој е на третото место.