Скок од 33 места забележа фудбалската репрезентација на Македонија на најновата ранг листа на ФИФА. Подемот на репрезентацијата се должи на победите во квалификацискиот натпревар со Лихтенштајн и пријателскиот со Белорусија.
Двте идентични победи од 3:0, над Лихтенштајн и Белорусија, ја искачија фудбалската репрезентација на Македонија на 133-то место на ранг листата на ФИФа, што во однос на претходното рангирање преставува скок ов 33 места.
Од противниците со кои Македонија се наоѓа во квалификациската група за пласман на Мундијалот во Русија, најлошо рангирана е репрезентацијата на Лихтенштајн на 189-то место, а пред „цвено-жолтите“ се Албанија, која назадуваше за 12 позиции и сега е на 66-то место, потоа Израел кој назадуваше за седум места и се наоѓа на 63-то место.
Фаворитите во група, Италија и Шпанија се наоѓаат на 12-то, односно 10-то место.
Промена има и на врвот, каде по седум години се врати Бразил, пред Аргентина, Германија, Чиле, Колумбија, Франција, Белгија, Португалија и Швајцарија.
