ЖРК Вардар нема да може да смета на услугите на Андреа Лекиќ за четвртфиналните натпревари со дански Митјиланд.
Плејмејкерот на ЖРК Вардар, Андреа Лекиќ, на почетокот на минатиот месец имаше полесна операција, поради што со сигурност нема да игра во првиот натпревар против Митјиланд, а нема да игра ниту во реваншот.
Репрезентативката, по периодот на рехабилитација, во вторникот започна со тренинзите.
Вардарки, в сабота од 17 часот, ќе гостуваат во Данска кај Митјиланд, а реваншот во Скопје ќе се одигра на 15.април со почеток во 17:30 часот.
