Џерард ќе добие нов договор

Навивачите на Ливерпул беа воодушевени од менаџерот Брендон Роџерс во пресрет на дербито со Евертон. Роџерс изјави дека клубот ќе почне преговори со капитенот Стивен Џерард околу неговиот нов договор. Од договор на халфот остануваат уште 13 месеци, но и двете страни сакаат да ја продолжат соработката и понатаму. По одличните настапи и оваа сезона на Џерард, Роџерс нема сомнеж дека тој ќе продолжи и натаму да биде клучна фигура за тимот.

„Многу сум задоволен од Стиви. Тој е капитен на Англија и вистинска икона за Ливерпул. Формата оваа сезона му е извонредна и за мене како менаџер е одлично да имам на располагање играч како него. Повеќе од јасно е дека тој заслужува нов договор“, рече Роџерс.