Рома не успеа да ја мине осминафиналната фаза во Лига Европа, откако поуспешен беше Олимпик Лион. Покрај во Рим најмногу возбудувања во реванш осминафиналните натпревари понуди и германската пресметка помеѓу Борусија и Менхенгладбах и Шалке, а меѓу најдобрите осум, поради повеќе постигнати голови на гостински терен мина тимот од Глезенкирхен.
Рома и Лион одиграа два одлични натпревари во осиминафиналето, а во наредната фаза мина францускиот тим кој на домашен терен победи 2:4, а во Рим загуби со 2:1.
Дијакаба го најави пласманот на Лион во четвртфиналето во 16.миниута, но предноста на Французите веќе во наредниот напад ја анулира Стротман. По еден час игра Тусар постигна авто гол за 2:1, но до крајот на натпреварот иако двата тима имаа шанси резултатот не се менуваше.
Во Менхенгладбах, Борусија по 1:1 во првиот натпревар, по првото полувреме стекна предност од 2:0 со головите на Кристенсен и Дахуд, но во вториот дел Горецка и Бенталеб од пенал израмнија на 2:2. Со овој резултат Шалке се пласира во четвртфиналето.
Манчестер Јунајтед рутински славеше во дуелот со Ростов 1:0. Единствениот гол го постигна Хуан Мата во 70.минута по асистенцијата од Ибрахимовиќ. Лоша вест за Манчестер Јунајтед е повредата на Пол Погба, кој го напушти теренот во второто полувреме.
Андерлехт во двата натпревари со идентични 1:0 го победи АПОЕЛ, Селта по 2:1 во Виго, злавеше и во Краснодар но со 2:0, Бешикташ иако еден час играше со фудбалер помалку го победи Олимпијакос 4:1, Генк и Гент играа 1:1, а понатаму оди Генк поради победата 5:2 во првиот натпревар, а меѓу четвртфиналистите се најде и Ајакс по победата над Копенхаген од 2:0.
Четвртфиналните двојки во Лига Европа ќе бидат извлечени в петок од 13 часот, во Нион.