Икер Касиљас, во вторникот, испиша нова страница во историјата на клупските натпреварувања кои ги организира УЕФА. Реваншот против Јувентус, во Лигата на шампионите, беше 175-ти натпревар за Касиљас во европските купови, што е апсолутен рекорд.
Икер Касиљас, на вечната листа, го мина легендарниот капитен на Милан, Паоло Малдини кој има одиграно 174 натпревари во европските купови, трет е Чави со 173, а меѓу првите десет се и Седорф, Раул, Занети, Гигс, Реина, Карагер и Буфон.
Касиљас во кариерата 157 натпревари во европските купови одиграл за Реал, а низата ја продолжи и по напуштањето на „кралискиот клуб“ во 2015 година, во дресот на Порто.
Инаку, Порто европската сезона ја заврши во осминафиналето со двата порази од Јувентус и вкупен резултат 3:0.