Меѓународната тениска федерација (ИТФ) го ограничи бројот на сетови во натпреварите во Дејвис купот на три, наместо досегашните пет.
Челниците на светскиот тенис оваа одлука ја донесоа на седницата на Управниот одбор на ИТФ во Индијан Велс каде започна првиот Мастерс во сезоната.
Покрај оваа промена ИТФ ќе смени уште некои првила со кои ќе се реформира Дејвис и Фед купот. За овие промени ќе се дискутира во наредните месеци, а според најавите треба да бидат официјализирани во август годинава.
