ЖРК Вардар го засили стручниот штаб со Ирина Полторацкаја, која на тренерот Давид Дејвис ќе му помага до крајот на сезоната.
Ирина Полторацкаја е поранешна ракометарка, во кариерата има освоено три светски шампионска со Русија и две титули во Лигата на шампионите (Слагелсе и Звезда).
Полторацкаја, инаку е сопруга на ѕвездата на машкиот тим на Вардар, Тимур Дибиров.
Таа со ЖРК Вардар работи веќе неколку денови, а на клупата ќе дебитира в сабота на натпреварот со Турингер во Скопје.
