Тренерот на Севилја Хорхе Сампаоли ја отфрлил можноста по завршувањето на сезоната да го замени Луис Енрике во Барселона, порачувајќи дека „до смрт е поврзан со овој проект на Севилја“.
Севилја, во четвртокот, го победи Атлетик Билбао (1:0), а по мечот шпанските новинари го прашале Сампаоли дали ќе се пресели во Барселона.
„Да одам во Барселона? На тоа прашање немам одговор. Не знам што се шпекулира, но во овој дел од сезоната не гледам смисол да дискутирам за тоа. До смрт сум поврзан со овој проект на Севилја“, рекол Сампаоли.
Хорхе Сампаоли минатото лето ја презеде Севилја, а неговиот договор важи до летото 2018 година.
Како што рекол на прес конференцијата, во наредните денови, тој ќе ги започне преговорите за породолжување на договорот.