Бундеслигашот Шалке по завршувањето на сезоната планира да го откупи од Севилја договорот на Јевхен Конопљанка.
Украинскиот напаѓач, на почетокот на сезоната, Севилја го испрати во Гелзенкирхен, чие раководство е задоволно од она што тој го прикажува на натпреварите,
„Иако не играше во неделата против Келн, ние сакаме да го задржиме и тоа и ќе го направиме. Конопљанка може да биде многу значаен играч за нас. Никој во Шалке не се сомнева во неговите фудбалски квалитети“, рекол спортскиот директор на клубот Криситијан Хајдл.
Конопљанка сезонава во Бундеслигата има постигнато пет голови на 16 натпревари колку што одиграч. Шалке неговиот договор ќе го откупи за сума од 12 милиони евра.
