Вкупно 200 милиони луѓе во светот веќе ја користат „лесната“ верзија на „Facebook“, информира основачот на социјалната мрежа Марк Цукерберг. Ова се случува само 2 години од нејзината премиера.
Тој додаде дека верзијата е специјално развиена за луѓе кои живеат во земји со слаба интернет конекција.
Тоа претставува само околу 11% од корисниците на социјалната мрежа, во висина од 1.86 милијарди лица, според податоците од крајот на 2016-та година.
Тие сепак користат или застарени мобилни телефони, или имаат побавна интернет конекција.
Првите 100 милиони корисници на „Facebook Lite“ беа постигнати во март минатата година, а во последните 11 месеци профилите се интензивираа.
Последните објавени податоци од технолошката компанија покажуваат дека за 2016-та година таа генерирала приходи во износ од 27.6 милијарди долари, или 54% повеќе во однос на една година порано.
Нето добивката изнесува 10,2 милијарди долари, што претставува раст од 177% во однос на 2015-та година.
Една од последните новости на „Facebook“ е дека на десктоп верзијата и мобилната апликација или поточно во вашиот „њузфид“, ќе биде распоредена и временската прогноза. Податоците ќе се обезбедат од „Weather.com“.