Карим Бензема ќе остане во мадридски Реал, иако добил сериозни понуди од Арсенал и ПСЖ. Францускиот напаѓач, доби понуда од Реал да го продолжи актуелниот договор за уште две години, односно до 2021 година.
Весникот AS, кој ретко греши кога се во прашање информациите поврзани со Реал, објави дека Бензема ќе го продолжи договорот до 2021 година и ќе добие зголемување на платата од еден милион евра, односно ќе заработува девет милиони евра годишно.
Бензема во Реал е веќе осум години, има постигнато 173 погодоци, од кои 12 оваа сезона. Во просек од доаѓањето во Реал постигнува гол на секои 146 минути.
