Атлетичарката од Етиопија Гензебе Дибаба, на меѓународниот митинг во шпанскиот град Сабадељ, го собори светскиот рекорд на 2.000 метри во сала.
Дибаба, рекородот го постави во вторникот вечерта, откако 2.000 метри претрчала за 5:23.75 минути, што е за речеси седум секинди побрзо од претходниот рекорд на Габриела Сабо поставен во 1998 година.
Меѓународната атлетска федерација (ИААФ) светскиот рекорд на 2.000 метри во сала не го смета за официјален. Меѓутоа ИААФ наведува дека времето на Дибаба може да биде класифициран и како рекорд на отворено бидејќи е подобар резултат од рекородот на Соња О’Саливан (5:25.36 минути).
Дибаба е сопственичка на неколку светски рекорди: на 1.500 на отворено, односно на 1.500 метри, на една и две милји, на 3.000 и 5.000 метри во сала.
