Меѓународниот олимписки комитет (МОК) донесе одлука да и го одземе сребрениот медал, кој женската штафета на Русија го освои на трката 4×400 метри, на Олимписките игри во Лондон во 2012 година.
МОК одлуката за одземање на сребрениот медал ја донесе откако повторените допинг тестови покажале дека Антонина Кривошапка била позитивна на забранетиот стероид туринабол.
По дисквалификацијата на Русија среброто од оваа трка оди во Јамајка, а бронзата во Украина. Златниот медал го освои штафетата на САД.
