Шпанскиот крилен напаѓач Хесе Родригез до крајот на сезоната ќе настапува како позајмен играч во Лас Палмас, соопшти неговиот клуб ПСЖ. За услугите на Хесе беа заинтересирани Мидлсзброу, Рома и Ливерпул, но теј реши да се врати во родниот град.
Хесе Родригез, минатото лето од Реал се пресели во ПСЖ, но не успеа да се избори за место во тимот кај тренерот Унаи Емери.
Шпанецот за францускиот шампион, во првиот дел од сезоната постигна само еден гол, а одигра девет натпревари.
Последен пат за ПСЖ тој настапи на 14.декември во Лига купот против Лил (3:1).
Крилниот напаѓач во Лас Палмас го задолжи дресот со бројот 10.
