Актуелниот шампион во НБА лигата, Кливленд, продолжува со порменливите партии сезонава, откако по победата над Оклахома загуби од Далас. Ноќта во НБА лигата, во која беа одиграни шест натпревари, ја обележа бекот на Мемфис Мајк Конли со 38 поени против Феникс.
Кошаркарите на Далас, во неполни три дена, срушија уште еден голем противник. По триумфот над Сан Антонио, Далас успеа да го совлада и Кливленд 104:97. Двоецот Весли Метјуз-Харисон Барнс искомбинира 45 поени и на шампионот му го нанесе третиот пораз на последните пет натпревари.
На другите натпревари: Мемфис, предводен од Мајкл Конли кој постигна 38 поени, славеше во Феникс 115:96, Мајами ја забележа осмата последовна победа откако славеше во дуелот со Бруклин 104:96, Филаделфија го победи Сакраменто 122:119, Бостон славеше во Детроит 113:109, а Минесота по продолжението го победи Орландо 111:105.
