Франција не дозволи изненадување против Словенија во првиот полуфинален натпревар на Светското првенство во ракомет и со победата 31:25 (15:12) бранителот на титулата избори пласман во финалето.
Франција ја потврди фаворитската улога против Словенија во првото полуфинале на Светското првенство и со сигурна игра во текот на целиот натпревар, со која диригираше одличниот Жерард на голот, си обезбеди место во финалето.
Цврстата одбрана, одличнот Жерард кој добри предност во однос на Омејер и импресионираноста на Словенците од важноста на мечот ја однесоа Франција на 6:2 по само девет минути игра.
Иако Словенците со една мала серија стигнаа на негатива од еден гол 7:6, Французите со нова серија 6:2, создадоа предност од 13:8, ставајќи му на знаење на противникот дека нема да дозволат изненадување.
Три гола имаа Французите предност на полувреме, а во раната фаза од мечот ја вратија предноста од пет гола. До последните седум минути Фрнација ја одржуваше разликата од три до пет голови, а во финишот ја достигна највисоката предност од шест гола.
Напаѓачки Франција во првиот дел ја предводеше Порт, а во вториот Ремили, иако со напаѓачкиот дел во целост диригираа најискусните Нарсис и Карабатиќ.
Ремили постигна шест гола, Порт еден помалку, додека голманот Жерар имаше 15 интервенции.
Кај Словенија најефикасен беше Доленец со пет гола, а четворица други ракометари постигнаа по три гола.
Противникот во финалето Фрнација ќе го дознае в петок кога своето полуфинале ќе го одиграат Хрватска и Норвешка.