Српскиот дефанзивец Невен Суботиќ (28) до крајот на сезоната ќе настапува во Келн како позајмен играч од Борусија Дортмунд.
Суботиќ, кој во изминатите сезони имаше проблеми со повредите, во средата пристигна во Келн, а откако успешно ги минал лекарските прегледи, во четвртокот договорил соработка до крајот на сезоната.
Играчот кој осум и пол години беше дел од Борусија Дортмунд во новиот клуб ќе го носи дресот со бројот 2.
Суботиќ со Борусија освои две титули во Бундеслигата и една во Купот, играше и финале во Лигата на шампионите.
