Фудбалерите на Саутемптон се првите финалисти во англискиот Лига куп, во сезоната 2016/2017. Саутемптон во полуфиналниот реванш, на Енфилд, го совлада Ливерпул со 1:0, идентично како и на првиот меч.
Ливерпул имаше иницијатива во текот на целиот меч, посед на топка од 70 отсто, но тешко излегуваше на крај со добро поставената дефанзива на Саутемптон. Стариџ во второто полувреме имаше две добри шанси за постигнување на гол, а голамнот Фостер спаси чист гол по ударот на Емре Џан.
Во 91.минута Шејн Лонг реализира еден префектно изведен контранапад и го постави конечниот резултат.
Противник на Саутемптон во финалето ќе биде Хал или Манчестер Јунајтед, овие два тима полуфиналниот реванш ќе го одиграат в четврток. По првиот меч Јунајтед има предност од 2:0.
