Капитенот на ПСЖ Тијаго Силва го продолжи договорот со клубот до 2020 година.
Силва ја продолжи соработката со ПСЖ
Бразилецот кој има 32 години во Париз пристигна во 2012 година од Милан и веднаш стана еден од клучните играчи.
Силва досега за ПСЖ има одиграно 120 натпревари и постигнато седум голови.
„Горд сум што сум капитен на тимот кој во последните две години освои сѐ во Франција и игра добро во Лигата на шампионите. Имаме уште многу желби кои сакаме да ги оствариме. Верувам дека ќе ги оствариме желбите и дека навивачите ќе имаат многу можности за радост“, рекол Силва.
ПСЖ, оваа сезона ја мина првата фаза во Лигата на шампионите, а во првенството се наоѓа на третото место со три бода помалку од Монако и пет од лидерот Ница.