Фудбалерите на Барселона го совладаа градскиот ривал Еспањол 4:1, во последниот натпревар од 16.коло во Ла Лига.
Барселона го скрши Еспањол во првото полувреме кога вистинско шоу имаше Лионел Меси.
Додавањето на Иниеста за Луис Суарез беше моментот кога Барса го постигна првиот гол.
Во вториот гол Меси му асистираше најпрвин на Жорди Алба, а потоа и на Луис Суарез за 3:0. Лопес во 79.минута го постигна почесниот за Еспањол, а точка на мечот стави најдобриот играч на Барслеона, Меси во последната минута.
Барселона по оваа победа му се доближи на Реал на три бода, но лидерот има натпревар помалку. Во наредното коло Барселона ќе гостува на „Ел Мадригал“ кај Виљареал.
