Она што претседателот на Барселона, Џосеп Марија Бартомеу го најави минатата недела, Барселона го официјализира во четвртокот. Луис Суарез потпиша нов петгодишен договор, со откупна клаузула од 200 милиони евра.
Уругваецот за сума од 83 милиони евра пред две години на „Ноу Камп“ пристигна од Ливерпул, а за Блауграна има постигнато 97 голови на 116 одиграни натпревари.
Суарез е поранешен играч на Насионал од Монтевидео, Гронинген, Ајакс и Ливерпул.
Барселона оваа есен ги продолжи договорите со двајца од тројцата клучни играчи во тимот, пред Суарез тоа го направи Нејмар. На „Ноу Камп“ сега работат на продолжување на договорот со Лионел Меси.
