Кошаркарскиот репрезентативец Бојан Трајковски, е нов член на Карпош Соколи, откако во петокот потпиша договор до крајот на сезоната со македонскиот претставник во АБА лигата.
Трајковски треба да му помогне на Карпош Соколи во борбата за опстанок во АБА лигаг и во борбата за двете титули на домашната сцена.
„Презадоволни сме што успеавме да го ангажираме Бојан Трајковски, кошаркаркар чии квалитети се неспорни и кој и тоа како ќе ни помогне во остварување на зацртаните цели сезонава. Драго ми е што успеавме да доведеме македонски репрезентативец, со што уште еднаш покажуваме дека наш првенствен интерес е развојот на македонската кошарка. Во Трајковски добиваме играч кој и тоа како ќе ги промени силите на теренот во домашниот шампионат и со чија помош сигурно ќе бидеме поблиску до еден од двата домашни трофеја“, вели претседателот на Карпош Соколи, Огнен Дедиќ.
Репрезентативецот минатото лето потпиша за Куманово, но набрзо потоа го раскина договорот и кариерата ја продолжи во косовскиот тим Сигал Приштина, но откако добил понуда од Карпош Соколи решил да ја прифати истата и да се врати во Македонија.
Избраниците на тренерот Драган Николиќ, во петок, ќе му гостуваат на Задар (18 часот) во регионалната лига, а првата можност за деби на Трајковски ќе ја има в среда кога во Скопје гостува Трепча во рамки а БИБЛ-лигата. Наредниот викенд во АБА-лигата Карпош Соколи ќе го пречека тимот на Мега Лекс.
