Академијата за боречки вештини “ЗА НЕД ДО” од Битола изминатиот викенд на покана на Грчката федерација за боречки вештини, учествуваше на петтиот Интернационален и деветтиот сегрчки фестивал за боречките вештини “Мигдониа 2016“ кој се одржа во Солун.
Тимот кој ја претставуваше Република Македонија освои 39 златни и 3 сребрени медали, во конкуренција на над 700 натпреварувачи од 10 држави.
Македонскиот тим беше составен од 24 натпреварувачи кои се натпреварувале во 42 дисциплини во борби и демонстрации на самоодбрана и демонстрации со традиционално оружје.