Откако паднал во соблекувалната по поразот, 34-годишниот германски боксер Едуард Гуткнехт е итно опериран поради крварење во мозокот и во моментов се наоѓа во индуцирана кома.
Гутнехт паднал во соблекувалната откако го загубил мечот од 28-годишниот Џорџ Гровес за интернационалната титула во WBA верзијата во супер-средна категорија, кој се одржа во „Вембли Арена“ во Лондон.
Во текот на мечот Германецот примил неколку тешки удари, а на крајот загуби по 12 рунди.
„Гуткнехт се наоѓа во индуцирана кома, но тоа е нормално имајќи ја предвид операцијата извршена над него, Се надеваме на најдоброто“, изјави претседателот на Германскиот боксерски сојуз, Томас Пуец.