Најдобриот фински фудбалер и играч на ЦСКА Москва, Роман Еременко (29), подолг период ќе остуствува од фудбалските терени откако поради употреба на кокаин УЕФА му изрече двегодишна суспензија.
Еременко бил тестиран на 6.септември, по натпреварот во Лигата на шампионите Баер Леверкузен-ЦСКА и тој тест бил позитивен. Бидејќи кај Еременко биле пронајдени сомнителни суспстанци, докторите на УЕФА направиле дополнителна анализа и откриле дека финскиот репрезентативец бил позитивен на кокаин.
Поради позитивниот допинг тест УЕФА, во петокот, му изрече двегодишна суспензија.
Инаку мечот во Леверкузен заврши 2:2, а вториот гол за ЦСКА го постигна Еременко, но УЕФА објави дека натпреварот нема да биде повторен.
