Селекторот на фудбалската репрезентација на Норвешка, Пер Матијас Хегмо, во средата, си поднел неотповиклива оставка на функцијата.
Норвешка со големи амбиции влезе во квалификациите за пласман на Светското првенство во 2018 година, но по четири одиграни натпревари во Групата Ц оваа селекција се наоѓа на последното место со само три освоени бода.
Норвешка, во петокот, загуби во Прага од Чешка 2:1.
Лошите резултатите го поттикнаа селекторот Хегмо да си поднесе оставка на селекторската функција.
Инаку, Норвешка на листата на ФИФА се наоѓа на 81-то место, што претставува најлош пласман во историјата на оваа репрезентација.