Најдобрата македонска тенисерка Лина Ѓорческа (205-та на ВТА листата), уште во првото коло го заврши својот прв настап во главната фаза на еден ВТА турнир.
Ѓорческа, која како „Лаки лузер“ влезе во главата фаза на турнирот во Лимож, во два сета 6:1, 6:3 загуби од Белгијката Марина Заневска, инаку 128-ма на ВТА листата.
ВТА турнирот во Лимож се игра за награден фонд од 125.000 долари.
Лина Ѓорческа наредната недела ќе учествува на ИТФ турнирот во шпанскиот град Валенсија.
