Раководството на Тотенхем постави рекордна цена од 100 милиони фунти за ѕвездата на тимот Герет Бејл, во обид да го задржи на „Вајт Харт Лејн“ и во следната сезона. Велшанецот е најпосакуваниот играч во претсојниот преоден рок и гигантите од сите првенства сакаат да го земат во своите редови. Тој се најде на „мета“ на Манчестер Јунајтед, Баерн Минхен, Реал Мадрид, Барселона и ПСЖ.
Според последните информации во моментов Баерн е фаворит за потписот на Бејл. Новиот тренер на „баварците“ Пеп Гвардиола го има поставено овој играч на првото место на листата за засилувања и ќе направи се за да го има во својот состав. Сепак изгледа многу тешко дека од Баерн да ги дадат бараните од Тотенхем 100 милиони фунти за 23-годишниот играч.
Сосема е можно во оваа ситуација Бејл да остане во Тотенхем и во следната сезона, што е и желбата на раководството на тимот. Но ситуацијата може да се промени само ако Тотенхем не успее да се квалификува за учество во Лигата на Шампионите во следната сезона.
