Поранешниот холандски репрезентативец, Робин Ван Перси се чувствува добро и видот не му е загрозен, откако го повреди левото око на натпреварот во турскиот шампионат меѓу Фенербахче и Акхисар.
„Ван Перси доби силен удар во окото што предизвика сериозно крварење. Веднаш го испративме кај офтамолог, кој по прегледите нé информираше дека повредата не е сериозна“, рекол клупскиот доктор за официјалната интернет страница на Фенербахче.
Поранешниот фудбалер на Феенорд, Арсенал и Манчестер Јунајтед во еден дуел доби силен удар во левото око, што предизвика обилно крварење и страв дека видот на левото око му е загрозен. Сепак, дополнителните прегледи покажале дека повредата не е сериозна.
