Фудбалската асоцијација на Англија (ФА) го обвини менаџерот на Манчестер Јунајтед Жозе Мурињо за неприкладни коментари во врска со судењето на натпреварот со Ливерпул.
Менаџерот на Манчестер Јунајтед, пред натпреварот со Ливерпул кој се одигра на 17-ти октомври (0-0), ги прекршил правилата на ФА, бидејќи го коментирал изборот на судиите.
Мурињо изјавил дека судијата Ентони Тејлор се наоѓа под голем притисок пред дербито со Ливерпул бидејќи живеел во Манчестер и дека ќе му биде тешко да да го одработи натпреварот.
Португалецот има обврска до 31-ти октомври да се јави во ФА и да одговори на обвинувањата.
