Кошаркарките на ЛА Спаркс ја освоија титулата во женската НБА лига (WNBA).
ЛА Спаркс, во петтиот меч, од финалната серија ја совладаа Минесота со 77-76. Хероина на екипата од Калифорнија стана Нека Огвумике која на три секунди до крајот ги постигна решавачките поени. Огвумике натпреварот го заврши со двоен ефект од 12 поени и исто толку скокови, додека победничките ги предводеше Кендејс Паркер со 28 поени и 12 скокови.
Во поразениот тим се истакнаа Маја Мур (23 поени, 11 асистенции, 6 скока) и Симона Августус (17 поени).
ЛА Спаркс ја освоија третата титула во историјата на клубот, прва по пауза од 14 години. Титула со кошаркарките ја прослави и легендарниот НБА играч, Ирвин Меџик Џонсон.