Антидопинг агенциите на Азербејџан, Грција, Гватемала, Бразил и Индонезија би можеле да бидат суспендирани доколку не работат според светските стандарди, сооопшти Светската антидопинг агенција (WADA).
WADA, како можни причини за можното суспендирање на петте лаборатории ги наведе: непочитувањето на прописите, користење на неакредитирани лаборатории и проблеми со нивните антидопинг програми.
Како што се наведува, доколку проблемите не бидат решени пред 10 ноември, тогаш WADA, на состанокот кој на 19.ноември ќе се одржи во Глазгов, ќе предложи наведените пет антидопинг агенции да бидат суспендирани.