Светската фудбалска федерација (ФИФА) покрена дисциплинска постапка против Косово и Хрватска, поради некоректното навивање на фановите на меѓусебниот дуел на двете репрезентации одигран во рамките на квалификациите за пласман на Светското првенство во Русија.
Косово и Хрватска натпреварот го одиграа во Скадар, Албанија, а навивачите на двете репрезентации заеднички извикувале анти-српски пароли, најчесто „Убиј го Србинот“. ФИФА не соопшти кога ќе ја донесе пресудата.
Инаку, поради националистички скандирања и разни инциденти кои ги предизвикаа нејзините навивачи, Хрватска во минатото веќе беше казнета парично и со забрана за настап пред публика.
