Кошаркарите на МЗТ, во трилер завршница, го загубија првиот натпревар во Еврокупот, кој го одиграа во Литванија, кај Лиеткабелис 90-89 (27-22, 23-13, 24-23, 16-31).
Лиеткабелис и МЗТ ја отворија сезоната 2016/2017 во Еврокупот, триумф оствари домаќинот со 90-89, со поените на Донатас Таролис постигнати со звукот на сирената.
Првите три четвртини не навестуваа драматичен финиш на овој меч, бидејќи кошаркарите на МЗТ играа неорганизирано, во нападот се мачеа да дојдат до позиција за шут, а во одбраната имаа многу пропусти, што Литванците максимално го користеа.
Лиеткабелис во првата четвртина со серија 11-2 првпат стигна до значителна предност, потоа во вториот период МЗТ за пет мнуит постигна само три поени, а прими 19, поради што Литванците на полувреме имаа предност од 15 кошеви.
МЗТ лошо влезе и во третиот период, домаќинот ја одржуваше предноста од 15 до 19 поени, а во 38-та минута стигнаа до максималната предност од 23 поени.
Во последниот период МЗТ влезе со негатива од 16 поени и нешто подбра игра во нападот. Аеодромци полека започнаа да ја топат предноста на Лиеткабелис, а на три секунди до крајот Синовец погоди тројка за предност 89-88. Во последниот напад Вилијамс се обиде за три, не успеа да погоди, а Таролис од одбојка непречен од никого постигна поени за конечни 90-89.
Синовец постигна 20 поени, а Лучиќ и Темс по 17 за МЗТ.
