Бразил се искачи на првото место во квалификациската група, во јужноамериканската зона за пласман на Светското првенство. Бразил го искористи киксот на Аргентина и ремито на Уругвај и за прв пат од стартот на квалификациите се наоѓа на првата позиција.
Репрезентацијата на Бразил, без Нејмар, забележа победа во Венецуела 2-0. Габриел Жесус во осмата и Вилијан во 53-та минута без стрелци за Бразил.
Аргентина без Меси не знае да победи, во Кордоба Парагвај приреди вистинско изненадување со минималната победа 0-1. Дерлис Гонсалес во 18-та минута го постигна единствениот гол на натпреварот. Најголемата шанса за Аргентина ја имаше Серхио Агуеро, кој на почетокот од вториот дел промаши пенал.
Дербито помеѓу Колумбија и Уругвај заврши без победник 2-2. Агилар донесe предност за Колумбија, потоа Кике Родригез и Луис Суарез постигнаа два гола за пресврт на Уругвај, а конечниот резултат го постави Мина на шест минути до крајот на натпреварот.
Чиле ја прекина серијата од три порази во квалификациите, но шампионот на Јужна Америка и покрај триумфот не најавува излез од кризата. Артуро Видал ги постигна двата гола за Чиле во триумфот над Перу 2-1.
Без победник 2-2 заврши натпреварот Боливија-Еквадор. Боливијците водеа 2-0 со головите на Пабло Ескобар, а во вториот дел со два гола израмни Енер Валенсија.
